En O Carballiño, capital mundial do polbo, hai un nome que leva máis de 40 anos enchendo de sabor e tradición os fogóns galegos: Pulpería Pepita.
Somos moito máis ca un servizo de catering. Somos unha familia que vive e respira a esencia da nosa terra, levando a auténtica cociña galega alí onde se precise. Desde vodas e festas populares ata feiras gastronómicas, levamos o mellor polbo á feira, feito ao momento e con ingredientes de primeira calidade, para converter cada evento nun recordo inesquecible.
A nosa historia comeza con Pepita, matriarca e alma da pulpería, que nos transmitiu o amor polo bo facer, a paciencia do caldeiro e o respecto polo produto. Hoxe, a súa descendencia continúa o legado cunha combinación perfecta de tradición e servizo moderno.
E como non podía ser doutro xeito… ¡somos móbiles! A nosa pulpería percorre Galicia (e máis aló) para levarche o arrecendo do polbo acabado de facer, o chaquido da tixeira e o sabor auténtico da nosa cociña, alí onde o precises.
Se queres que o teu evento teña o toque máxico da nosa tradición, confía en Pulpería Pepita do Carballiño. Porque en cada prato contamos unha historia. A nosa historia.
